Parroquia anexa á parroquia de Louredo e pertencente ao arciprestazgo do Saviñao. Os seus 81 habitantes, segundo o censo de 1991, agrúpanse nas entidades de Beleigán, Fondo de Vila, Gonzán, Meitriz, Sanfiz e A Veiga, sendo a densidade media, para o mesmo ano, de 26’1 hab./Km2. Laxe pertencía antes á xurisdición de Saviñao, exercendo a súa xurisdición sobre ela, os condes de Lemos. Entre o seu patrimonio artístico están: o templo parroquial (século XVIII); a Casa Grande de Guitián e os restos de fosas antropoides situadas en Beleigán.