Piñeiró, San Sadurniño de
Piñeiró, San Sadurniño de
Freguesía anexa de Santo Estevo de Ribas de Miño e pertencente ao arciprestado de Saviñao. Os seus 343 habitantes, segundo o censo de 1991, atópanse agrupados nas entidades de Beirán, Piñeiro, A Portela, Salcedo, San Saturnino, Sobrelle, A Touza, Vilachá, Vilamor e Vilarreme, sendo a densidade media, para o mesmo ano, de 38’9 hab./Km2. En varios foros do mosteiro de Castro de Rei de Lemos aparece esta freguesía dentro das súas pertenzas. Nos arredores do templo parroquial atopáronse varias sepulturas antropoides escavadas na roca.