Freguesía pertencente ao arciprestado de Saviñao, cuxa poboación era, no ano 1991, de 201 habitantes agrupados nas entidades de Alperiz, Casanova, As Ferrería, Quián, Teibel e Troifil, sendo a densidade media, para o mesmo ano, de 20’1 hab./Km2. O templo parroquial é do século XVI e no seu interior atópanse varios retablos de interese. Entre as casas blasonadas podemos citar a Casa Grande de Eirexe, a Casa Grande de Quián e a Casa do Fidalgo.