Seteventos, Santa María de
Seteventos, Santa María de
Freguesía pertencente ao arciprestado de Saviñao, cuxa poboación era segundo o censo de 1991 de 130 habitantes agrupados nas entidades de Malveiros, Morgade, Mosiños, Pedras Brancas e Seteventos ou Eirexe, sendo a densidade media/entidade, para o mesmo ano, de 30’2 hab./Km2. A primeira noticia documental sobre esta freguesía é unha doazón do ano 1014, subscrita a favor do mosteiro de Diomondi por Dona Senior, onde aparece a igrexa de Seteventos. O templo parroquial é unha construción románica do século XIII. A arquitectura civil ten na Casa Grande de Mosiños, o mellor exemplar.