Acto Solidario no Saviñao para os Damnificados pola DANA
Desde o Concello do Saviñao queremos facer un chamamento á solidariedade de toda a veciñanza e arredores para colaborar cos damnificados pola DANA na comunidade valenciana.
Poderedes realizar as vosas doazóns en:
Almacén de alimentos non perecedeiros
Almacén de roupa e vestimenta
Urna económica
Ademais, agradecemos a colaboración especial dos Tarabelos de Escairon e dos Gin Toni’s, que ofrecerán unha actuación solidaria no noso Auditorio de Escairon o venres 29 de novembro, a partir das 20:45 h. A entrada ao acto será de balde, pero convidámosvos a colaborar mediante doazóns á urna económica, así como con roupa ou alimentos non perecedeiros.
O Concello do Saviñao encargarase da xestión, transporte e fará tamén unha achega económica correspondente á recadación total das doazóns realizadas por persoas, empresas, asociacións e doutros concellos que desexen sumarse a esta causa.
Contamos coa vosa solidariedade para axudar a quen máis o precisa. Grazas de antemán!
