O Concello do Saviñao acolleu a pasada fin de semana as Probas de Traballo e Morfoloxía do Setter Club de España. Ditas Competicións teñen o obxectivo de seleccionar os mellores representantes da raza, funcional e morfoloxicamente.
Máis de trinta cans procedentes de España, Francia e Italia, déronse cita na Ribeira Sacra para ser examinados por varios Xuíces da Real Sociedad Canina Española. A implicación dos presentadores e a organización foron garantía de éxito nun encontro que comezou a mañá do sábado 19 de agosto cun Concurso de Caza Práctica, xulgado por Esteban Cambón y Antonio Rodríguez Somoza, e continuou pola tarde no centro da localidade de Escairón co Concurso Morfolóxico, xulgado por Sandra Turrado. As Probas de Traballo proseguiron o Domingo.
O Setter Club de España quere agradecer a todos aqueles que fixeron posible a celebración destas probas, en especial ao Concello do Saviñao por poñer á súa disposición espazos públicos para que os amantes dos cans gozasen con eles desta fin de semana.
